ब्रेकिंग

गुन्हेगारी जगत

संभाजीनगरमध्ये संशयित दरोडेखोर चकमकीत ठार

Wrutuja pandharpure
28 May 2025

छत्रपती संभाजीनगर : उद्योजक संतोष लड्डा यांच्या घरावरील दरोडा प्रकरणातील मुख्य आरोपी अमोल खोतकर याचा सोमवारी चकमकीत ठार करण्यात आले. संशयित आरोपी अमोल खोतकरला वडगाव कोल्हाटी परिसरात सोमवारी रात्री पकडण्यासाठी गेल्यानंतर पोलिसांच्या अंगावर मोटार घालत गोळीबार केला. पोलिसांनाच मारण्याचा प्रयत्न केल्यानंतर पोलिसांनी त्यांच्यावर फायरिंग केले. यावेळी चकमकीत तो मारला गेला. छत्रपती संभाजीनगरमध्ये मध्यरात्री थरार घडला. शहराजवळील वडगाव कोल्हाटी या परिसरात पोलिस आणि कथित दरोडेखोरामध्ये जोरदार धुमश्चक्री उडाली. उद्योजकाच्या घरावरील दरोड्याप्रकरणात आरोपीचा शोध सुरू होता. तो वडगाव कोल्हाटी परिसरात असल्याचे समजताच पोलिसांचा फौजफाटा तिथे पोहोचला. तेव्हा आरोपीने गोळीबार केला. पोलिसांच्या अंगावर मोटार घालण्याचा प्रयत्न केला. यावेळी प्रत्युत्तरात पोलिसांनी केलेल्या कारवाईत अमोल खोतकर यांच्यात चकमक झाले. या कारवाईत तो जागीच ठार झाला.

दरोडेखोरांनी सदनिकेतून साडेपाच किलो सोने आणि ३२ किलो चांदी असा ६ कोटींचा ऐवज लंपास केला होता. लड्डा यांच्या घरावरील दरोडा प्रकरणात पालकमंत्री संजय शिरसाट यांनी दरोड्याच्या गुन्ह्यात पोलिसांचा सहभाग असल्याचा संशय व्यक्त केला होता. यापार्श्वभूमीवर आरोपी खोतकर याच्या ‘एन्काऊंटर’वर प्रश्न उभे केले जात आहेत.